Shitet Vile Elitare A1 ne kompleksin rezidencial Diellon

Kompleksi rezidencal Diellon ndodhet në Mjull-Bathore, 14 minuta nga qendra e Tiranës. Diellon koncepton një stil të ri jetese, si ekuilibrues mes jetesës private-familjare dhe asaj social-komunitare. Koncepti i dizenjimit vjen me një përqasje miqësore, duke respektuar formën e tokës, vegjetacionin dhe elementët e peisazhit. Zona ku zhvillohet projekti ka potencial të mjaftueshëm, me elementë të pasur natyrorë, sportivë dhe panoramik. Koncepti ka në fokus komfortin, privatësinë dhe qetësisë e të jetuarit në një ambient të shëndetshëm me jetë komunitare të pasur. I projektuar strategjikisht vetëm 2 minuta larg nga TEG dhe shumë pranë shkollave elitare. Pemët dhe peisazhi i rezidencës ndihmojnë në krijimin e kontrastit me materialet e ndërtimit prej betoni që dominojnë qytetin dhe kjo prodhon një sërë efektesh pozitive psikologjike dhe sociale. Aty Dajti është panorama e përbashkët e çdo dritareje.

Vilat Elitare A1 janë një nga tipologjitë më luksoze në Diellon. Tipari i veçantë i vilës janë 3 dhoma gjumi master me pamje mbresëlënëse të komunitetit.
Vilat Elitare i japin vlerë të veçantë kompleksit rezidencial Diellon. Ato grupohen në zonën veri-lindore.
Të projektuara 2 kate dhe bodrum, Vilat Elitare janë të konceptuara për një organizim funksional me hapësira elegante si brenda dhe jashtë. Secila vilë ka 2 parkime të dedikuara dhe pishinë private.